Anton Haukur varð heimsmeistari á HM í Varsjá

May 30

Anton Haukur varð í dag heimsmeistari í bekkpressu með búnaði í sínum flokki á heimsmeistaramótinu í Varsjá í Póllandi.

Anton Haukur keppti í -83 kg drengjaflokki. Hann reyndi fyrst við 170 kg en sú lyfta heppnaðist ekki nægilega vel. Anton Haukur reyndi því aftur við 170 kg í annarri tilraun og þá tókst lyftan af miklu öryggi.Í þriðju og síðustu tilrauninni setti Anton Haukur 175 kg á stöngina og þrykkti henni upp, jafnaði sinn besta árangur og tryggði sér um leið heimsmeistaratitilinn.

Hann varð að ná lokalyftunni til að landa titlinum því Úkraínumaðurinn Maksym Frankov hlaut silfur með 172,5 kg lyftu. Pólverjinn Kacper Jobda var þriðji keppandinn í flokknum og hlaut bronsverðlaun fyrir 147,5 kg lyftu.

Anton Haukur varði í dag heimsmeistari í bekkpressu í sínum flokki á heimsmeistaramótinu í Varsjá í Póllandi. — Anton Haukur heimsmeistari í bekkpressu með búnaði í -83 kg. drengjaflokki

Anton Haukur ásamt keppendum í öðru og þriðja sæti í keppninni, Maksym Frankov sem hlaut silfur og Kacper Jobda sem hlaut bronsverðlaun.

KRAFTFÉLAGIÐ

Kraftfélagið er samfélag fólks í styrktarþjálfun og kraftlyftingum hjá Ingimundi Björgvinssyni styrktar- og kraftlyftingaþjálfara í sal Kraftfélagsins í World Class á Seltjarnarnesi.

Iðkendahópurinn er fjölbreyttur – fólk á öllum aldri sem stundar kraftþjálfun til að bæta heilsu og almenna líkamlega getu er í meirihluta, en lítill hluti hópsins leggur einnig áherslu á frammistöðu og markmið í keppni og keppir reglulega í kraftlyftingum, innanlands og erlendis.

Kraftfélagið tekur við nýjum iðkendum á öllum aldri, í vel útbúnum kraftlyftingasal Kraftfélagsins í World Class á Seltjarnarnesi eða fjarþjálfun sérsniðna eftir þörfum iðkenda.

https://www.kraftfelagid.is

Anton Haukur varð heimsmeistari á HM í Varsjá

Guðný Ásta fékk heimsmeistaratitil á HM í Varsjá

Fimm lágmörk í hús á Akureyri